«Тұман түседі»: 21 желтоқсанда Алматы және Астана қалаларына қар жауады
Ауа температурасы түнде 13-15 градус аяз болады деп күтілуде
«Қагидромет» Астана мен Алматы қалаларынна 21 желтоқсанға арналған ауа райы болжамын жасады, деп хабарлайды KYN.KZ ақпарат агенттігі.
РМК баспасөз қызметінің мәліметінше, Астанада көшпелі бұлт шығады, өткінші қар жауады, аздап боран соғады. Оңтүстік-батыстан соғатын жел солтүстік-батыстан 9-14 м/с. Ауа температурасы түнде 13-15 градус аяз, күндіз -10-12°С.
Алматыда көшпелі бұлт шығады, түнде қар жауып, тұман түседі. Желдің жылдамдығы 2-7 м/с. Ауа температурасы түнде 8-10 аяз, күндіз -4-6°С.
Айта кетсек, бұған дейін елімізде демалыс күндері қар жауады деп хабарлаған болатын.