Таиландтың астанасы Бангкоктан Оңтүстік Кореяға бағыт алған ұшақ апатқа ұшырады, деп хабарлайды KYN.KZ ақпарат агенттігі.

Оқиға бүгін таңертең орын алған. Жергілікті «Чеджу Эйр» ((Jeju Air)) компаниясына тиесілі «Boeing-737» Оңтүстік Кореяға Бангкоктан келе жатқан. Борттағы 181 адамның 179-ы қаза тапты

Әуе кемесінде 175 жолаушы мен 6 экипаж мүшесі болған.

Полиция мен өрт қызметі өкілдерінің мәлімдеуінше, ұшақ Муан қаласындағы әуежайдың ұшу жолағынан шығып кетіп, қоршауға соғылған.

Жолаушылар 173-і Оңтүстік Корея, 2-уі Таиланд азаматтары екені белгілі болды. Қайғылы оқиға орнында құтқарушылар жұмыс істеп жатыр. Апат себебі анықталу үстінде.