Журналист, қаламгер, қоғам қайраткері Мейрамбек Төлепберген 68 жасқа қараған шағында өмірден озды, деп хабарлайды KYN.KZ ақпарат агенттігі.

 qazaqstan.tv хабарлауынша, Мейрамбек Мылтықбайұлы Төлепберген көп жыл баспасөз бен телевизия саласында, мемлекеттік қызметте және ҚР Парламенті Мәжілісінің депутаты ретінде қызмет атқарған.

 2012-2017 жылдары «Қазақстан» телерадиокорпорациясына қарасты аймақтық «JAMBYL» телеарнасын басқарды.

Мейрамбек Төлепберген (13.5.1957 жылы туған, Талас ауданы, Түгіскен ауылы) – журналист, саяси шолушы. Әл-Фараби атындағы, Қазақ ұлттық университетін бітірген (1981).

Еңбек жолын құрылысшы болып бастаған. Алматы облысы «Жетісу» газетінде әдеби тілші, бөлім меңгерушісі болып қызметтер атқарды.

Журналистика саласында өз қолтаңбасын әуелі спорт тақырыбында қалдырып танылған ол, Орта Азия және Қазақстан спорт журналистерінің халықаралық байқауында (1989) бас жүлдеге ие болды.