53 адам қаза тапты: Тибетте жойқын жер сілкінісі болды
Жер сілкінісінің эпицентрі Тибеттің Шигадзе қаласынан 163 шақырым қашықтықта орналасқан
Қытайдың Тибет аймағында жойқын жер сілкінісі болды. Салдарынан кемінде 53 адам қаза тауып, тағы 62 адам жарақат алды, деп хабарлайды KYN.KZ ақпарат агенттігі Синьхуа порталына сілтеме жасап.
Табиғи апаттан көптеген ғимараттар қираған.
Жер сілкінісі жергілікті уақыт бойынша 09:05-те (Астана уақытымен 06:05-те) тіркелді. АҚШ-тың Геологиялық қызметі магнитуданы 7,1 балл деп бағалаған, ал Қытайдың сейсмикалық орталығы магнитуданы 6,8 балл деп көрсетті.
Жер сілкінісінің эпицентрі Тибеттің Шигадзе қаласынан 163 шақырым қашықтықта орналасқан. Жер асты дүмпуі Дингри ауданының тұрғындары тарапынан сезілді. Непал, Үндістан, Бутан және Бангладеште де дүмпулер байқалды.