Елімізде ақылы жолдар қымбаттайды
Бұған дейін ақылы жолдардан түсетін кірістер Қазақстанда 100 млрд теңгеге жетуі мүмкін екендігі хабарланған болатын
Көлік министрі Марат Қарабаев ақылы жолдардың құны 40% дейін өсуі мүмкін екенін айтты. Оның айтуынша, әр жолдың бағасы әртүрлі болады, деп хабарлайды KYN.KZ ақпарат агенттігі ulysmedia.kz сайтына сілтеме жасап.
Қарабаев ақылы жолдармен жүру ақысы төрт есе қымбаттайтыны туралы ақпаратты жоққа шығарды. Ол тарифтердің өсуі жолдардың әртүрлі учаскелері үшін әр түрлі болатынын атап өтті: кейбір жолда өсім 30%, басқаларында 40% болады.
«Біз біртіндеп қымбаттатып жатырмыз, бірақ тағы да қайталаймын, оның жергілікті тұрғындарға қатысыжоқ. Абоненттік төлем өзгеріссіз қалды. Қымбаттау шетелдік транзиттік машиналарға бағытталады», - дейді ол.
Қарабаев тарифтердің өсуі жергілікті тұрғындарға әсер етпейтінін атап өтті, өйткені олар үшін абоненттік төлем сақталады, ол өзгеріссіз қалады және шамамен 3 мың теңгені құрайды.
Бұған дейін ақылы жолдардан түсетін кірістер Қазақстанда 100 млрд теңгеге жетуі мүмкін екендігі хабарланған болатын.