Алматыда көлік жарылысынан он жасар қыз зардап шекті
Жүріп келе жатқан көліктің газ қондырғысы жарылған, зардап шеккен қыз ауруханаға жеткізілді.
Төтенше жағдай туралы Sputnik Қазақстан жазады.
Алматыда Жандосов көшесінде төтенше жағдай болды.
Оқиға куәгерлерінің айтуынша, Toyota Ipsum көлігі Жандосов көшесімен шығыс бағытта жүріп келе жатқан. Бір уақытта көліктің газ қондырғысы жарылған. Жарылыстың қатты болғаны соншалық, көлік майысып қалды. 
Жарылыс салдарынан көлікті ішінде отырған он жастағы қыз зардап шекті. Ол түрлі жарақаттармен жақын маңдағы ауруханаға жеткізілді.