Белгілі актер, әзілкеш Қайрат Әділгерей АҚШ-қа оқуға жіберген ұлына қатысты бір өкінішімен бөлісті, деп хабарлайды KYN.KZ ақпарат агенттігі.

Бала тәрбиесі туралы өнер иесі "Сырласу бағдарламасында" айтты.

«Баламды Америкаға ұшырып, шығарып салғанда кеудеме өксік толып, мені өкініш биледі. Шешесі екеуміз далада бақырып жылап жүрміз. Сонда бала бүлініп кетеді-ау, шалыс басады-ау деген қорқыныш болған жоқ. Ер бала болғаннан кейін өмірге өзі бейімделуі керек қой… Баланың маған дегенде көңілі тоқ болып, кетіп бара жатыр ма? Міне, мәселе қайда? Ойланып отырсам, әкесі бола тұра баламмен бірге уақыт өткізген кездерім есіме түспейді екен. Бала қайда барады?!» – деді ол.

Қайрат Әділгерей барлық әкеге баламен жәй ғана уақыт бөліп, ойнауға шақырды.