«Мен қызыңды балталап тастаймын, шын сөзім»: көкшетаулық бұрынғы күйеуінің өзін аңдып жүргенін айтып, көмек сұрады
Әйелдің айтуынша, екі жылдан бері оны күйеуі қорқытып, әр басқан ізін аңдып жүр
Әйел бұрынғы күйеуінің аңдып жүргенін айтып, көпшіліктен көмек сұрады. Одан құтылу үшін Көкшетаудан басқа қалаға көшуіне тура келген, деп хабарлайды KYN.KZ ақпарат агенттігі.
Айтуынша, бұрынғы күйеуі әйелді ғана емес, ұлын және оның туған-туыстарын да аңдып жүрген көрінеді. Тіпті анасына қызын өлтіретінін айтып, хабарлама жіберген.
Ол «Мен оны балталап тастаймын, шын сөзім. Бұл қорқынышты естіледі. Бірақ мұны өз әрекеттеріммен дәлелдеп жатырмын. Солай істеймін. Ешқандай реніш болмасын», - деп жазған.
Бұл туралы видеоны #НеМолчиKZ қоры өз парақшасында жариялады.
«Екі жылдан бері бұрынғы күйеуімнен қашып жүрмін. Бірақ мені өлітремін деп және жақындарыммен қорқытып жатыр. Ол мені ғана емес, отбасымды да шошытып бітті. Пәтердің есігін сындырып, анамның жұмысына дейін барды. Барлығымыздың ізімізді аңдып жүр. Ол достарымен бірге маска киіп алып, анамның үйін тонап кетеді. Көліктің дөңгелегін тесіп тастайды. Оған мемлекеттік қызметкерлер көмектесіп жүр, өйткені ол бейнебақылау камерасы арқылы анамның көлігі қайда екенін біліп алады», - дейді көмек сұраған әйел хабарламада.