«Әжетханада құлаған»: Шу ауруханасында көз жұмған әйелдің туыстары тың мәліметтер айтты
Марқұмның мәйітін күйеуі белгісіз бір бөлмеден тауып алған
Аурухананың жертөлесінен мәйіті табылған әйел туралы туыстары тың ақпарат айтты. Бұл туралы журналист Руслан Өтепбайға сұхбат берді, деп хабарлайды KYN.KZ ақпарат агенттігі.
25 жастағы Әдемі есімді әйел жүктілігінің 33 аптасында Шу қалалық ауруханасына түскен. Жақындарының сөзінше, 9 наурыз күні ол аурухананың әжетханасында есінен танып құлап қалған. Алайда олар дәрігерлер келіншекке дер кезінде көмек көрсетпеген деп отыр.
«Әжетханада құлайды. Ешкім қарамаған. Қараусыз жарты сағат жатып қалған. Арқасы қап-қара болып кеткен. Арқасымен құлаған ғой», - дейді марқұмның туысы.
Ал дәрігерлер марқұмның деенсінде жарақат болмағанын және жертөледегі бөлме қайтыс болғандардың денесін қоятын жер екенін айтты.
«25 жасар келіншек жүктілігінің 33 аптасында Шу қалалық ауруханасына түседі. Әдемінің жақындарының айтуынша, ол 9 наурыз әжетханада давлениеден құлайды. Сол күні таңертең құрсақтағы баласын дәрігерлер алып тастайды-мыс. Ал келіншектің өзі 22 наурызға дейін комада жатып, сол күні жан тапсырады.
Әдемінің ата-анасы дәрігерлер уақытында көмек көрсетпеді деп күйініп отыр. Әжетханада құлаған Әдемі жарты сағаттай қараусыз жатып қалған дейді туыстары. Ең сорақасы марқұмның мәйітін күйеуі белгісіз бір бөлмеден тауып алған», - деп жазды журналист.