Қуандық Бишімбаев балаларына алимент төлеуден бас тартты
Балаларға дәрігерге қаралу мен дәрумен сатып алуға да ақша бөлінбеген
Қуандық Бишімбаевтың бұрынғы әйелі Назым Қахарман оның отбасы балаларына алимент төлеуден бас тартқанын мәлімдеді, деп хабарлайды KYN.KZ ақпарат агенттігі.
Бұл туралы Назым әлеуметтік желіде видео жариялады.
«Былтыр балалардың демалысы да, психолог қызметі де төленген жоқ. Барлық түбіртектерді жолдадым. Бір жарым жылдың ішінде қомақты сома жиналды. Бірақ адвокатқа жібергеніме қарамастан, оны елемей қойды», дейді Назым.
Айтуынша, балаларға дәрігерге қаралу мен дәрумен сатып алуға да ақша бөлінбеген.
«Маған үнемі еске салып отыруға тура келеді. Адвокат Баянға жаза беремін. Мысалы, бүгін – 28 наурыз. Осы күнге дейін наурыз айының алименті әлі түскен жоқ. Оларды тұрақты түрде аудара бастағандары тек өткен жылдың қараша-желтоқсан айларынан бастап қана», - деді Назым.