Алматы полициясы жүргізушілер мен жаяу жүргіншілерді жол қозғалысы ережелерін сақтауға шақырады
Алматыда көлік жүргізушісі әл-Фараби даңғылында жылдамдықты сағатына 230 шақырымға дейін асырған. Instagram әлеуметтік желісінде көліктің видеосы пайда болды, деп хабарлайды KYN.KZ ақпарат агенттігі.
Бейнежазбадан жылдамдық шектеуі 80 шақырым болғанына қарамастан, жүргізушінің рұқсат етілген мөлшерден үш есе жылдам қозғалғаны көрінеді.
Алматы Полиция департаменті көлік жүргізушіні іздеу жұмыстары жүргізіліп жатқанын мәлімдеді.
"Жол қозғалысы қатысушыларына қауіп төндірген өрескел заң бұзушы міндетті түрде анықталып, жауапкершілікке тартылады. Алматы полициясы "Заң және тәртіп" қағидасын жүзеге асыруды еске салады, сондай-ақ жүргізушілер мен жаяу жүргіншілерді жол қозғалысы ережелерін сақтауға шақырады", – деп мәлімдеді Алматы Полиция департаментінің баспасөз хатшысы Салтанат Әзірбек.
Ұқсас жаңалықтар
