«Автобуста мастурбация жасаған»: Алматыда ер адам қыздың соңынан аңдыған (ВИДЕО)
Қыздың анасы автобустағы жолаушылардың біреуі де бұл оқиғаға мән беомегеніне ашуланды
Алматыда ер адам бойжеткеннің ізін аңдыған. Ол автобуста оған ұзақ қарап, мастурбация жасаған, деп хабарлайды KYN.KZ ақпарат агенттігі.
Бұл туралы қыздың анасы әлеуметтік парақшалардың бірінде бөлісті. Оқиға 2 сәуір күні кешкісін болған. Айтуынша қызы автобусқа мінгеннен кейін алдында отырған ер адам оған қарап отырып, жыныс мүшесін ұстаған.
«Ол төрт аялдама бойы мастурбация жасап келді – Емцовтан Крылов аялдамасына дейін. Қыз Крылова аялдамасында түскенде ол да бірге түскен. Қолына ойыншық ұстап, артынан жүре бастапты. Қыз қорқып «Кет!» деп қатты айғайлап жіберген», – делінген хабарламада.
Ер адамнан қорыққан ол бейтаныс жігіттен көмек сұраған. Алайда автобустан бірге түскен адам іздерінен қалмаған. Жігіт ер адамды итеріп жібергеннен кейін ғана соңынан ілесуді тоқтатқан.
Қыздың анасы автобустағы жолаушылардың біреуі де бұл оқиғаға мән беомегеніне ашуланды.
«Олар бұл күнделікті болып жатқан қалыпты жағдай сияқты бейқам отырды», - деп ашуланды қыз баланың анасы.
Алматы полициясы тергеу жүргізіп жатқанын хабарлады.
«Объективті мән-жайлар, сондай-ақ құқық бұзушының жеке басы міндетті түрде анықталып, Қазақстан Республикасының заңнамасына сәйкес шаралар қабылданатын болады. Осы оқиғаға қатысты бұрын полицияға өтініш, арыз немесе сигналдар болған жоқ», - деп жауап берді Алматы қалалық ПД баспасөз қызметі.