Әйелін ұрып-соққан бұрынғы дипломат Сәкен Мамаш қамауға алынды
Тергеу мүддесі үшін алдын ала тергеудің басқа деректері жария етілмейді
Әйелін бірнеше жылдан бері ұрып-соғып келген бұрынғы дипломат Сәкен Мамаш қамауға алынды, деп хабарлайды KYN.KZ ақпарат агенттігі.
Бұл ақпаратты Астананың полиция департаменті растады.
«Өткен жылы елші кеңесшісінің бұрынғы көмекшісіне қатысты жұбайын жүйелі түрде соққыға жыққаны бойынша қылмыстық іс қозғалды. Полиция тарапынан жедел-тергеу тобы құрылып, оқиғаның барлық мән-жайын анықтау үшін қажетті сараптамалар кешені жүргізілді. Айтарлықтай дәлелдемелер жиналып, бекітілді. Тергеу нәтижесінде күдікті Сәкен Мамашқа қатысты тергеу соты оны қамауда ұстау түріндегі бұлтартпау шарасын таңдады. Тергеу мүддесі үшін алдын ала тергеудің басқа деректері жария етілмейді», дейді ПД өкілі Ұлысмедиаға.
Еске салайық, Сыртқы істер министрлігінде қызмет атқарған дипломат Сәкен Мамаш бұрынғы әйелі Карина Мамашқа зорлық-зомбылық көрсеткені белгілі болды. Сол үшін қамауға алынды.