Ауғанстандық өзін әлемдегі ең қарт адам санап, 140 жаста екенін айтты
Нәзірдің туыстары құзырлы органдардан оның жасын растайтын құжатты тексеруді сұрады
Ауғанстанның Хост провинциясының тұрғыны Акел Нәзір өзін әлемдегі ең қарт адам деп санап, 140 жаста екенін мәлімдеді, деп хабарлайды KYN.KZ ақпарат агенттігі Tolonews басылымына сілтеме жасап.
Айтуынша, ол әмір (1919-1926 жылдары) мен Ауғанстанның бірінші патшасы (1926-1929 жылдары) Аманулла ханның кезінде 30 жастан асқан екен.
"Сол уақытта “Ағылшындар қашып, тізерлеп бас иді” деген сөзді естігенім есімде. Бәрі қуанып, Аманулла ханға ағылшындарды қуып жібергені үшін алғыс айтты", – деді ол телеарнаға берген сұхбатында.
Нәзірдің жасын туыстары да жоққа шығармады. Олар құзырлы органдардан оның жасын растайтын құжатты тексеруді сұрады.
Егер Нәзірдің жасы расталса, провинция билігі оны "әлемдегі ең қарт адам” ретінде тіркемек.