«Қар түрінде жаңбыр, көктайғақ болады»: демалыс күндеріне арналған ауа райы болжамы

Синоптиктер елімізде 5, 6 және 7 сәуірге арналған ауа райы болжамын жасады, деп хабарлайды KYN.KZ ақпарат агенттігі.

Алдағы күндері Қазақстанның басым бөлігінде атмосфералық фронттардың өтуіне байланысты ауа райы тұрақсыз болады, найзағайлы жаңбыр күтіледі.

«5 сәуірде республиканың солтүстігінде, шығысында, орталығында жаңбыр мен қар түрінде жауын-шашын күтіледі, шығыста және оңтүстік-шығыстың таулы аймақтарында кей жерлерде қатты жауын-шашын болжанады.

6-7 сәуірде батыста, солтүстік-батыста, орталықта, оңтүстікте, оңтүстік-шығыста қатты жаңбыр жауады. Республиканың көптеген өңірлерінде тұман, желдің күшеюі күтіледі, ал 5 сәуірде түнгі уақытта солтүстікте, шығыста және орталықта көктайғақ болады», – деді синоптиктер.

- Батыс өңірлерде түнде температура 3-8 градустан 5-12 градусқа дейін көтеріледі, күндіз 15-22 градус жылы.

- Оңтүстік-батыста түнгі температура 5-10 градустан 8-13 градусқа дейін ауысады, күндіз 17-25 градустан 12-20 градусқа дейін.

- Солтүстік-батыста түнде -3–тен +3 градусқа дейін, кейін 2-13 градусқа дейін жылыну күтіледі, күндіз 13-20 градустан 10-18 градусқа дейін төмендейді.

- Солтүстікте түнде -5–тен +3 градусқа дейін, кейін 0-7 градусқа дейін көтеріледі, күндіз 8-15 градустан 13-20 градусқа дейін жылынады.

- Орталық өңірлерде түнде -5–тен +2 градусқа дейін, кейін 2-10 градусқа дейін көтеріледі, күндіз 8-15 градустан 10-20 градусқа дейін.

- Шығыста түнде температура 2-7 градустан -1–8 градус аязға дейін төмендейді, ал күндіз 5-12 градустан 13-20 градусқа дейін көтеріледі.

- Оңтүстікте түнде 5-13 градустан 10-17 градусқа дейін көтеріледі, күндіз 18-25 градустан 17-28 градусқа дейін.

- Оңтүстік-шығыста түнде 3-12 градус жылы, күндіз 10-22 градустан 15-28 градусқа дейін көтеріледі.

Еске салайық, бұған дейін Қазгидромет синоптиктері Қазақстандағы 2025 жылғы сәуір айына арналған кеңес сипатындағы ауа райы болжамын ұсынған болатын. Сәуір айында елде жылыну күтіледі, бірақ жауын-шашын мен температураның ауытқуы сақталады. Айдың бірінші онкүндігінде жаңбыр, солтүстікте қар мен көктайғақ, желдің жылдамдығы 20 м/с-қа дейін жетуі мүмкін. Ай ортасында жаңбыр мен сулы қар жаууы мүмкін, ал соңында негізінен жаңбыр жауады. Температура түнде -5 градустан күндіз +32 градусқа дейін құбылады