«Ұнадың, шықшы, сөйлесейік»: Шымкентте үш еркек есту қабілеті төмен қызды зорлап тастаған
Шымкент ПД мәліметінше, қылмыстық іс қозғалған
Шымкентте қызды үйінде жалғыз қалғанда үш еркек келіп зорлап тастаған, деп хабарлайды KYN.KZ ақпарат агенттігі.
#НеМолчи қорының хабарлауынша, жәбірленуші қыздың есту қабілеті төмен. Өткен жылдың тамыз айында жұмыстан кейін үйіне жету үшін ол такси ұстаған.
«Таксиде үлкен жастағы ер адамдар болған. Қыз оларға мән бермеген. Бірақ ер адамдар қыздың үйінің мекен-жайын есте сақтап, сол күні кешке қайтып айналып келген. Ол уақытта үйде ешкім болмаған. Біреуі "Ұнадың, шықшы, сөйлесейік» деп шақырып алған», - деп делінген жазбада.
Сол күні олар қызды зорлап, бәрін видеоға түсіріп алған.
Наурыз айында қызды бопсалап, тағы да зорлаған. Сол күні қыздың көшеде жылап кетіп бара жатқанын байқаған түрғындар полиция шақырады.
Полиция киімдері мен іш киімдерін тәркілеген. Алайда оны сот-медициналық сараптамаға жібермеген. Қыздың туыстарының айтуынша, қылмыстық іс қозғалған жоқ», - дейді қор.
#НеМолчи қорының жазуынша, күдіктілер – жасы 30-дан асқан үш ер адам, олардың жеке тұлғалары анықталған, бір-бірімен таныс.
Шымкент ПД мәліметінше, қылмыстық іс қозғалған.
"Іс аясында оқиғаның шынайы жағдайын анықтауға бағытталған барлық қажетті процессуалдық әрекеттер жүргізілуде. Тараптардың уәждері мұқият зерттеліп, тексерілуде, толық әрі жан-жақты тергеу жүргізу үшін сараптамалар тағайындалды, дәлелдер жинау және талдау жүргізіліп жатыр.
Тергеу заң талаптарына сәйкес жүргізілуде, барлық тараптардың құқықтарының кепілдігі қамтамасыз етіледі. Тергеу барысы туралы жәбірленушіге белгіленген тәртіппен хабарланып отырады", – деді ПД өкілдері.