Бұрынғы сүйіктісін ұрып-соққан Шәріп Серік 5 тәулікке қамауға алынды
Сот оны әкімшілік құқық бұзушылық жасағаны үшін кінәлі деп таныған
Шәріп Серік 5 тәулікке қамауға алынды. Бұл туралы актердің бұрынғы сүйіктісі Әлия Ботеева айтты, деп хабарлайды KYN.KZ ақпарат агенттігі.
Оның айтуынша, сот Шәріп Серікті 73-баптың 1-бөлігі (Отбасы-тұрмыстық қатынастар саласындағы құқыққа қарсы әрекеттер) бойынша әкімшілік құқық бұзушылық жасағаны үшін кінәлі деп таныды.
"Ол 5 тәулікке қамауға алынды. Мен бұл әділетті, дұрыс деп баға бере алмаймын. Өйткені менің ойымда біреуден кек алу немесе жазғыру болмады", - деп жазды бойжеткен Instagram парақшасында.