WhatsApp мессенджері арқылы Алматы тұрғындарына хабарлама келуде. Әкімдіктен алаяқтық туралы ескерту жасалды, деп хабарлайды KYN.KZ ақпарат агенттігі.

Алматы қаласының әкімдігінің ресми хабарламасында өзін әкімшіліктің қызметкері ретінде таныстырған әйел туралы айтылды.

«WhatsApp мессенджерінде Алматы әкімдігінің қызметкері Галина Маленкованың атынан  +7 747 43 87 680 нөмірі бойынша жалған хабарламалар жазылып, әрі қоңыраулар шалынып жатыр. Бұл тұлға әкімдіктің қызметкері емес. Бұл алаяқтық! Мұны ресми мәлімдейміз», - делінген хабарламада.

 Алматылықтардан мұндай хабарламаларға жауап бермеу, күдікті сілтемелерге жазылмау және жеке мәліметтерін бермеу ескертілді.

«Сергек болыңыз және тек ресми көздерден алынған ақпаратқа сеніңіз. Күдік туындаған жағдайда құқық қорғау органдарына хабарласуларыңызды сұраймыз», - делінген.