Таразда адвокат, Алматы облысы мәслихатының депутаты соққыға жығылды. Бұл туралы видер желіде тарады, деп хабарлайды KYN.KZ ақпарат агенттігі.

Бейнежазбадан екі ер адамның сөзге келіспей қалғанын аңғаруға болады. Адвокат ерлі-зайыптылар отырған орындыққа жақын жерде телефонын қуаттап алмақшы болған. Бірақ бұл әрекеті оларға ұнамаған.

«Оқиғаға қатысы бар адам анықталып, полицияға жеткізілді. Аталған факті бойынша Қазақстан Республикасы Қылмыстық кодексінің 293-бабының 1-бөлігі (Бұзақылық) бойынша сотқа дейінгі тергеп-тексеру жүргізілуде. Қазіргі уақытта қылмыстық іс бойынша болған оқиғаның барлық мән-жайын жан-жақты және объективті анықтауға бағытталған қажетті тергеу және жедел-іздестіру шаралары жүргізілуде”, – деп хабарлады Жамбыл облысы полиция департаменті.

Ал соққыға жығылған депутатқа ауруханада ота жасалған.