Шерзат Полат өлімі: сотталғандардың туыстары Тоқаевтан көмек сұрады (ВИДЕО)
Сотталғандардың туыстары Шерзат Полаттың әкесін жазалауды сұрады.
Шерзат Болатты өлтіру ісі бойынша сотталғандардың туыстары президент Қасым-Жомарт Тоқаевқа үндеу жолдады. Олар жасөспірімнің әкесі Қаржаубайдың да жазаланғанын талап етті, деп хабарлайды KYN.KZ ақпарат агенттігі.
Видеода Бауыржан Әбдірахманов сотталғандардың ата-анасы, туыстары және Талғар ауданының кейбір азаматтарының сот үкімімен келіспейтіндерін жеткізген.
“Жәбірленуші тарап Шерзат Полаттың қазасынан кейін бірден жақсы әдейі жоспарланған әрекеттерге көшті. Өз мақсаттарына жету үшін олар түрлі құралдарды қолданды. Атап айтқанда, әлеуметтік желі, тыйым салынған психологиялық тәсілдерді пайдаланды. Кейдее арандататын жағдайларға да барды. Бірнеше рет тәртіпсіздікке шақырды, жалған ақпарат таратылды. сол Қайғылы оқиға болған түні марқұм Шерзаттың әкесі Қаржаубай Нұрымов екі рет пышақпен адамдарға шабуыл жасады”, – делінген видеода.
Олар Бас прокуратура мен Ұлттық қауіпсіздік комитетінен жәбірленуші тараптың әрекеттерін толық әрі мұқият тексеруді сұрады.
«Елімізде заң әсер етпейтін немесе заңнан жоғары тұратын топтар бар ма? Олар не үшін әлеуметтік желілерде жабық топтар ашты? Біз мұндай әрекеттер қоғам тыныштығын бұзып, Талғар қаласының имиджіне зиян келтіреді деп санаймыз», – дейді ер адам видеода.