«Жасыратын ештеңе болмаса, бетті жауып не керек?»: министр Сәбденов тыйым салу бастамасы туралы
ІІМ Ержан Сәбденов бет-әлпетті тануға кедергі келтіретін киім-кешекті киюге тыйым салуға қатысты пікір білдірді
Ішкі істер министрі Ержан Сәденов қоғамдық орындарда бет-әлпетті тануға кедергі келтіретін киім-кешекті киюге тыйым салуды қолдайтынын мәлімдеді, деп хабарлайды KYN.KZ ақпарат агенттігі.
Ол ІІМ бұл бастаманы қолдайтынын айтты.
"Бұл – депутаттардың бастамасы. Біз жалпы қолдаймыз. Өйткені бұл бірінші кезекте қауіпсіздікке бағытталған. Егер жасыратын ештеңе болмаса, бетті жауып не керек?" – деді министр.
Айта кетсек, бет-жүзді жабатын киімге тыйым салу туралы ұсыныс маусымның басында Сенаттағы жұмыс тобының отырысында айтылған болатын. Мәдениет және ақпарат министрі Аида Балаева бұл норманың ІІМ әзірлеген заң жобасына енгізілгенін растады.