Қарағанды облысында жүкті әйел аялдамада босанып қалған, деп хабарлайды KYN.KZ ақпарат агенттігі.

Әйелді Гапеева көшесіндегі ТБЦ аялдамасында кенеттен толғақ қысып, босанып қалған. Өткен-кеткен адамдар оқиға орнына жедел жәрдем шақырып үлгерген. 

"Көрсетілген көмек нәтижесінде анасы мен жаңа туған нәресте облыстық көпбейінді аурухананың перинаталдық орталығына жеткізілді. Ананың жағдайы тұрақты. Нәресте жансақтау бөлімінде жатыр", – деп хабарлады Қарағанды облысының денсаулық сақтау басқармасы.

Ведомствоның мәліметінше, сәбидің жағдайы ауыр.