Президент Қасым-Жомарт Тоқаев Ресей президенті Владимир Путинге көңіл айтты, деп хабарлайды KYN.KZ ақпарат агенттігі Ақордаға сілтеме жасап.

"Мемлекет басшысы Қасым-Жомарт Тоқаев Амур облысындағы ұшақ апатына байланысты Ресей Федерациясының президенті Владимир Путинге көңіл айтты", - делінген Ақорда хабарламасында.

Айта кетсек, 24 шілде күні Ресейдің Амур облысында жолаушылар ұшағы апатқа ұшырады, оның бортында 48 адам (алтауы — экипаж мүшесі) болған. Алдын ала болжам бойынша, аман қалғандар жоқ.

112 telegram-каналындағы ақпаратқа сәйкес, ұшақта 49 адам болуы керек болған. Алайда бір жолаушы Марина Авелян немересі ауырып қалған соң, ұшақтан қалып қойған.