«Әйелім кетіп қалды»: әзілкеш Жахан Отарғалиев тосын жаңалық айтты
Жахан Отарғалиев басынан өткен оқиғасын айтып берді.
Белгілі әзілкеш Жахан Отарғалиев желідегі парақшасында жазба жариялап, көпшілікті адаңдатып қойды, деп хабарлайды KYN.KZ ақпарат агенттігі.
Ол өзіне белгісіз ер адамның хабарласып, кеңес сұрағанын айтты.
“Ажырасам болды. Әйелім кетіп қалды. Анам екеуміз қалды. Депрессия мен стрессте жүрмін. Баламды әйелім алып кетті. Бәрінен шаршадым” деп бір бауырымыз хабарласады. 15 минут сөйлестік. Өздеріңіз білесіздер, менің өмірімде нендей жағдайлар болғанын. Білмейтіндеріңіз қаншама?! Мен психолог емеспін. Бірақ барынша кеңес беруге тырыстым. Көп уақыт өтпей әлгі жігіттен хабар алдым. Әйелі екіқабат екен. Ажыраспайтын болыпты. Дүниеге келетін ұлының атын Жахан қоямын дейді. Достар, бұйырса дүниеге тағы бір Жахан келеді. Менің бір сөзім бір адамның өмірінің өзгеруіне себеп болады деп ойламаппын. Бірақ жүректен шыққан сөз жүрекке жетеді екен”, – деп жазды актер.
Еске салсақ, Жахан Отарғалиев әнші Балжан Бидаштан ажырасып, екі қызы бар әйелді алған болатын.