Шымкентте пойыздың үстіне шығып, селфи жасамақ болған 11 жастағы баланы тоқ соқты (ВИДЕО)
Шымкентте пойыздың үстінде селфи жасамақ болған баланың денесінің жартысы күйіп қалды.
Шымкентте теміржол маңында фотоға түспекші болған 11 жастағы баланы тоқ соқты, деп хабарлайды KYN.KZ ақпарат агенттігі.
Оқиға 27 тамыз күні жүк вагондары тұрған аймақта болған. Бала теміржолдың маңында ойнап жүрген. Кейін жүк көлігінің үстіне шығып, ерекше селфи жасағысы келген.
Дәрігерлердің айтуынша, баланың денесінің 80%-ын күйік шалған. Қазір бала жансақтау бөлімінде жатыр, жағдайы ауыр.
Қазіргі кезде қуіпсіздік талаптарын бұзу фактісі бойынша сотқа дейінгі тергеу басталды.
“Темір жол көлігін пайдалану және қозғалыс қауіпсіздігі талаптарын бұзу” бабы бойынша қылмыстық іс тіркелді. Қазір тергеу жүріп жатыр. Теміржол – аса қауіпті аймақ екенін ескертеміз”, – деді Шымкент станциясы желілік полиция бөлімінің басшысы Нұрлан Қошқарбеков.