«Онша дұрыс емес»: Әшімбаев Ардақ Назаровтың мәжілісте анасын құттықтауына қатысты пікір білдірді
Сенат спикері Ардақ Назаровтың мәжіліс отырысында анасына құттықтау жолдауына қатысты айтты.
Сенат спикері Мәулен Әшімбаев мәжіліс депутаты Ардақ Назаровтың мәжілісте анасын туған күнімен құттықтауына қатысты пікір білдірді, деп хабарлайды KYN.KZ ақпарат агенттігі.
«Маған сенат спикері ретінде көршілес палатамыздағы депутаттардың айтқанын талқылау онша дұрыс емес, сондықтан пікір білдіруден бас тартайын. Ал егер сенаттағы біреу анасын қатты жақсы көрсе, бәлкім, мүмкін шығар, бірақ әзірге ондай жағдай болған жоқ», дейді Әшімбаев.
Еске салсақ, мәжіліс отырысында депутат Ардақ Назаров депутаттық сауал жолдарының алдында анасын туған күнімен құттықтаған болатын.