Полиция қызметкерлері есірткі қылмыстарына қатысы бар деген күдікпен Маңғыстау облысы мен ауданының үш тұрғынын ұстады. Олардың арасында аудан әкімінің орынбасары мен Атамекен ауылы әкімінің орынбасары бар, деп хабарлайды KYN.KZ ақпарат агенттігі.

Аталған факті бойынша сотқа дейінгі тергеу басталды. Аудан әкімінің орынбасары уақытша ұстау изоляторына қамалды, басқа күдіктілерге қатысты бұлтартпау шарасы таңдалып жатыр. Тәркіленген заттар сараптамаға жіберілді.

Операция есірткі қылмыстарымен күреске бағытталған «Қарасора-2025» республикалық іс-шарасы аясында жүргізілді.

Шенеуніктердің есімдері жария етілмейді.