Алматыда 18 жастағы қызды такси жүргізушісі зорлап кетті
18 жастағы қызды өзіне сөз салып жүрген такси жүргізушісі зорлады.
Алматыда 18 жастағы қызды танысы зорлап кетті. Ол бойжеткенге сөз салып жүрген, деп хабарлайды KYN.KZ ақпарат агенттігі.
Бұл туралы #НеМолчиKZ парақшасы жариялады. Жазуынша, қызды полиция 5 сағат бойынша сұрақтың астына алған. Алайда экспертизаға жібермеген.
«Қыз жуынбаған күйі әр полиция бөлімшесіне барды. Барлығына шыдамдылық танытты. Мемлекеттік құқық қорғаушы түнде келіп, бірақ экспертиза қорытындысын күтпей кетіп қалған», - делінген жазбада.
Қор бұл іске қатысты Алматы полициясының ешқандай түсініктеме бермегенін жазады. ҚР Бас прокуратурасына үндеу жасады.