Берденовке жасалған қастандық: апелляциялық сот істі қайта қарайтын болды
Апелляциялық алқа Берденовке қастандық жасау бойынша ісін қайта қарайды.
Шымкент әкімінің экс-орынбасары Руслан Берденовке жасалған қастандық ісі бойынша апелляциялық сот алқасы істі қайта қарайтын болды, деп хабарлайды KYN.KZ ақпарат агенттігі.
Апелляциялық алқа істі 8 қазан күні қарауға кіріседі.
Otyrar.kz мәліметінше, 2-11 қыркүйек аралығында бұл іс бойынша бес апелляциялық шағым тіркелген. Алайда шағым иелері мен олардың дәлелдері туралы ақпарат жарияланбаған.
Айта кетсек, Руслан Берденов Алматының дамуына жауапты мекемеге бас директор болып тағайындалды.