Криштиану Роналду ең бай футболшы атанды

Португалиялық футболшы Криштиану Роналду әлемдегі ең бай футболшы атанды. Ол футбол тарихындағы алғашқы миллиардер болды, деп хабарлайды KYN.KZ ақпарат агенттігі. 

Bloomberg басылымның мәліметінше, Португалия құрамасының шабуылшысы Криштиану Роналдуның таза байлығы 1,4 млрд долларға жетті.

Бұған 40 жастағы шабуылшының "Әл-Насрмен" 400 млн долларлық жаңа келісімшартқа қол қоюы әсер еткен.

Роналду 2002-2023 жылдар аралығында 550 миллион доллардан астам табыс тапты. Ол Nike компаниясымен жылына шамамен 18 миллион доллар тұратын он жылдық келісімге қол қойды. Ал Armani және Castrol сияқты брендтермен ынтымақтаса отырып, қаржысын 175 миллион доллардан астамға арттырды.

"Осылайша ол индекс нұсқасы бойынша мұндай мәртебеге қол жеткізген алғашқы футболшы атанды. Көп жылдар бойы ол үздік ойыншы атағына бәсекелес Лионель Мессимен шамамен бірдей жалақы алды. Бірақ 2023 жылы олардың табысындағы айырмашылық пайда болды", - деп жазады басылым.