Ақтөбе облысының Ойыл ауданында 9-сынып оқушысы босанып қалған, деп хабарлайды KYN.KZ ақпарат агенттігі.

Білім басқармасының мәліметінше, 14 жастағы оқушы 13 қазанда босанған.

"Жасөспірім бұған дейін үш рет медициналық тексеруден өткен: 13-18 наурыз аралығында аудандық ауруханада, 28 мамырда жазғы демалыс лагеріне тіркелу кезінде және 10 қыркүйекте ата-анасымен тексеру кезінде. Бұл жағдайлардың ешқайсысында дәрігерлер ерте жүктілік белгілерін тіркемеген", – деп хабарлады Ақтөбе облысының білім басқармасы.

Облыстық полиция департаменті бұл оқиғаға қатысты қылмыстық іс қозғаған.

"Қазір оқиғаның барлық мән-жайын, сондай-ақ қылмысқа ықпал еткен себептер мен жағдайларды анықтау мақсатында сотқа дейінгі тергеу амалдары жүргізіліп жатыр. Бірқатар жедел-іздестіру және процессуалдық іс-шаралар жүргізіледі. Полиция департаментінің басшылығы тергеу барысын қадағалап отыр", – деді Ақтөбе облыстық полиция департаментінің баспасөз қызметі.

Облыстық полицияның баспасөз қызметінің хабарлауынша, күдікті ретінде оқушының өгей атасы, яғни әжесінің күйеуі тартылды.

Тергеу мүддесі үшін басқа ақпарат берілмейді.