Тоқтар Серіков төртінші сәбилерінің дүниеге келуін күтіп жүргендерін айтты
«Кішкентайымыз дүниеге келген соң кешті тоқтатпайтын боламыз»
Биылғы жылға көп жоспары болған Тоқтар Серіков отбасындағы жағымды жаңалыққа байланысты біраз шаруаларын келер жылға қалдырған екен. Десе де, әнші отбасымен бірге келер жылдары концерт беруге ниеттеніп жүрген-ді, деп хабарлайды Kyn.kz ақпарат агенттігі Айта берсін бағдарламасына сілтеме жасап. «Жасыратыны жоқ концерт беруді жоспарлап жатырмын. Құдайға шүкір, төртінші кішкентайды күтіп жүрген жайымыз бар. Алла нәсіп етіп, кішкентайымыз дүниеге келіп алсын. Содан кейін кешті тоқтатпай, әрі қарай жалғастырамыз. Алматы мен Астанада жүйеленген жақсы бір кеш өткізгім келеді. Оның мүлдем басқа форматта өткенін қалаймын», - дейді Тоқтар Серіков. Автор: Kyn.kz