Қарлы боран мен көктайғақ: алдағы күндерге арналған ауа райы болжамы
Алдағы күндері күн суытады.
Алдағы күндері Қазақстанның басым бөлігінде ауа райы тұрақсыз болады, деп хабарлайды KYN.KZ ақпарат агенттігі.
«Қазгидромет» РМК мәліметінше, атмосфералық фронттардың өтуіне байланысты жаңбыр мен қар түріндегі жауын-шашын күтіледі, ал солтүстік, орталық және шығыс өңірлерде төменгі қарлы боран мен көктайғақ байқалады.
Тек еліміздің оңтүстік-батысында, оңтүстігінде, сондай-ақ 22 қарашада батыс пен солтүстік-шығыста антициклонның әсерінен жауын-шашынсыз ауа райы болжанады.
«Республика бойынша желдің күшеюі және тұман күтіледі. Температуралық фонда айтарлықтай өзгерістер болжанбайды», – делінген синоптиктер болжамында.