Журналист Гүлнар Бажкенова екі айға үйқамаққа алынды
Orda.kz басылымының бас редакторы үйқамаққа алынды.
Orda.kz басылымының бас редакторы, журналист Гүлнар Бажкенова екі айға үйқамаққа алынды, деп хабарлайды KYN.KZ ақпарат агенттігі.
Бұл туралы журналистің адвокаты Мұрат Адам мәлімдеді.
Сот Гүлнар Бажкеноваға қатысты екі ай мерзімге үйқамаққа алу түріндегі бұлтартпау шарасын тағайындаған.
Еске салсақ, бұған дейін Гүлнар Бажкеноваға қатысты қылмыстық іс қозғалған еді. Кеше 1 желтоқсан күні үйіне және кеңсесіне тінту жүргізілген болатын.