Атыраудағы көпқабатты тұрғын үйдің кіреберісінде қарияны полиция мен жедел жәрдем қызметкерлері көтеріп алып шыққан. Бұл туралы  видео желіде тарады, деп хабарлайды KYN.KZ ақпарат агенттігі.

Денсаулық сақтау басқармасының мәліметінше, 20 қаңтар күні сағат 07:02-де жедел жәрдем қызметіне 70 жастағы зейнеткердің жағдайы күрт нашарлағанын айтып, көршісі хабарласқан.

Жедел жәрдем бригадасы келгенде науқас фельдшерді теуіп, екіншісін қолымен ұрған.

Науқастың ауыр психоэмоционалдық күйде болғанын және агрессивті мінез танытқаны анықталған. Осыған байланысты фельдшерлер құқық қорғау органдарынан көмек сұраған.