Астанада жігітінің опасыздық жасағанын біліп қойған 32 жастағы әйел оның мүшесін кесіп тастады, деп хабарлайды KYN.KZ ақпарат агенттігі.

Үш баланың анасы мұндай жағдайға қызғаныштан барған. Ер адам жедел түрде ауруханаға жеткізілген. Алайда оның мүшесін сақтап қала алмаған.

Бұл туралы уролог Жалғас Игембай әлеуметтік желідегі парақшасында жазды.

«32 жастағы үш баланың анасы қызғаныштан жігітінің мүшесін кесіп тастады. Түнде 34 жастағы ер адам ауыр халде ауруханаға жеткізілді. Әйелдің сөзінше, жедел жәрдемді өзі шақырған. Кейін анықталғандай, әйел жігітінің оған жасаған опасыздығын біліп қойған. Сөйтіп ұйықтататын дәрі беріп, өз әрекетін жасаған. Ер адам ауруханаға кеш жеткізілді. Өмірін сақтап қала алдық, алайда енді ол еркек ретінде өмір сүре алмайды. Бұл шын болған оқиға», - деп жазды ол.