Шавкат Рахмоновтың әйеліне қатысты іс: сот отырысының күні белгілі болды
Шавкат Рахмоновтың әйелі жол апатына ұшырады: сот отырысы 16 ақпан өтеді.
Шавкат Рахмоновтың жұбайы Гүлайым Рахмоноваға қатысты жол апаты ісін қарайтын күн белгілі болды, деп хабарлайды KYN.KZ ақпарат агенттігі.
Боксшының жұбайына қатысты қылмыстық іс сотқа берілді.
"Жамбыл облысының қылмыстық істер жөніндегі мамандандырылған ауданаралық сотының өндірісіне Қылмыстық кодекстің 345-бабы 4-бөлігі бойынша айыпталушы Рахмонова Гүлайым Сәрсенбекқызына қатысты қылмыстық іс қабылдансын. Іс бойынша алдын ала тыңдау 2026 жылғы 16 ақпанда сағат 15:00-де Жамбыл облысының қылмыстық істер жөніндегі мамандандырылған ауданаралық сотының ғимаратына тағайындалсын", - деп жазылған сот хабарламасында.
Еске салайық, 2025 жылы 27 шілдеде сағат 08:50 шамасында республикалық маңызы бар Алматы-Екатеринбург тасжолының 299-шақырымында Toyota Land Cruiser 200 көлігінің жүргізушісі Қарағанды облысынан Алматы қаласына қарай келе жатып, тізгінге ие бола алмай, жол апатына ұшыраған еді.
Жол апаты салдарынан екі адам қаза тауып, екі адам ауруханаға жеткізілді.