«Астананың бағасынан жоғарырақ»: Шымкентте 8 наурызға орай аналарға 21 625 теңге төленеді
Шымкент 8 наурыз қарсаңында көпбалалы аналарға біржолғы төлем тағайындалады,-деп хабарлайды Күн.кз.
Шымкентте Халықаралық әйелдер күні қарсаңында көпбалалы аналарға біржолғы әлеуметтік төлем беріледі. Бұл жолы қаржылай қолдау көлемі Астанамен салыстырғанда жоғары.
Қалалық бюджет есебінен 14 267 әйелге 5 айлық есептік көрсеткіш (АЕК) мөлшерінде – 21 625 теңге аударылады.
Төлем кімдерге қарастырылған?
Біржолғы әлеуметтік көмек төмендегі санаттағы аналарға беріледі:
«Алтын алқа» және «Күміс алқа» иегерлеріне;
«Батыр ана» атағын алған әйелдерге;
«Ана даңқы» орденінің I және II дәрежесімен марапатталған аналарға.
Маңызды талап – алушылар 2026 жылғы 8 наурыздағы жағдай бойынша Шымкент қаласында тұрақты тіркеуде болуы тиіс.
Ресми дерекке сүйенсек, қаражат жергілікті бюджеттен бөлінген. Осылайша мегаполис әлеуметтік қолдауды күшейтіп, көпбалалы аналарға мерекелік кезеңде нақты қаржылай демеу көрсетпек.