Атырау облысы Құрманғазы ауданының тұрғыны Қылмыстық кодекстің 115-1 («Сталкинг») жаңа бабы бойынша жауапқа тартылды, деп хабарлайды kyn.kz.

Ер адам 2025 жылдың қыркүйегінде жәбірленушіні аңдып, үйіне жиі келіп терезесінен сығалаған. Ер адам әйелдің психологиялық жағдайына елеулі зиян келтірген.

Әйел ер адамның бұл әрекетіне шыдамай, құқық қорғау органына жүгінген.

Бас прокуратураның мәліметінше, сот сталкерге 200 сағат қоғамдық жұмыс жазасын тағайындады. 

Айта кетейік, 2025 жылдың шілдесінен бастап кез-келген адамның еркінен тыс қарым-қатынас орнатуға тырысу қылмыс болып саналады. Сталкер тіпті қол жұмсап, денсаулыққа зиян келтірмесе де жауапқа тартылады.