Ұлттық банк төрағасы елімізде доллар бағамына қатысты пікір білдірді. Елімізде доллар 400 теңгеге дейін төмендеуі мүмкін бе, деген сұрақ қойылды, деп хабарлайды KYN.KZ ақпарат агенттігі. 

Тимур Сүлейменовтің айтуынша, теңге бағамы еркін өзгермелі режимде қалыптасады.

“Доллардың 400 теңге болуы қарастырылып отырған жоқ. Экономика мен өнеркәсіп экспортты арттырып, импортты едәуір қысқартуы қажет. Сонда ғана теңгерім 400 теңге деңгейінде қалыптасуы мүмкін. Сондықтан біздің болжамдық сценарийлерде мұндай көрсеткіш қарастырылмаған”, – деді Сүлейменов.

Ол егер нарықта күрт өзгерістер болса, Ұлттық банк тиісті шаралар қабылдайтынын жеткізді.

“Бағам нарықтағы сұраныс пен ұсыныс теңгеріміне қарай қалыптасады. Егер құбылмалы жағдай болса, күрт ауытқуларды жұмсарту үшін валюталық интервенциялар қолданамыз”, – деді Сүлейменов.