"Қазгидромет" синоптиктері алдағы үш күнге арналған ауа райы болжамын жасады, деп хабарлайды KYN.KZ ақпарат агенттігі.

Қазақстанның басым бөлігінде ашық әрі жауын-шашынсыз ауа райы сақталады. Бұл алдағы уақытта ауа температурасының көтерілуіне оң әсерін тигізеді.

"Тек кей күндері еліміздің солтүстігінде, оңтүстігі мен оңтүстік-шығысының таулы аймақтарында атмосфералық фронттардың өтуіне байланысты жауын-шашын (жаңбыр, қар) жауып, жел күшейеді деп күтіледі. Республика бойынша тұман түсіп, көктайғақ болады", - деді синоптиктер.

Күндіз ауа температурасы еліміздің батысында 10-20 градусқа дейін, солтүстігі мен орталығында 5-17 градусқа дейін, оңтүстігінде 15-23 градусқа дейін жылынады.

Айта кетсек, синоптиктер 2026 жылдың наурыз айы ауа райы жылы болатынын және елдің басым бөлігінде жауын-шашын күтілетінін болжайды.

Ауа райы тұрақсыз болады деп күтіледі: солтүстікте - қар жауып, боран соғады, оңтүстік пен батыста - жаңбыр мен жылбысқы қар жауады. Температура жалпы алғанда климаттық нормадан шамамен 1 градусқа жоғары болады, сонымен қатар суық күндер де болуы мүмкін.