Тұрсын Алагөзовтің бұрынғы жұбайы Ляйсира Марат қазақ тілін үйренгісі келетінін жасырмады, хабарлайды KYN.KZ ақпарат агенттігі.

Бұл туралы өзінің әлеуметтік желідегі парақшасында жазды.

«Неге сіз қазақ тілінде сөйлемейсіз? Мен өзімді ақтайтын сылтауларды қойдым. Қазақша сөйлемеудің себебін іздеуді тоқтаттым. Ең бастысы – менің өзімнің қалауым бар!», – деп жазды ол.

Сондай-ақ, ол қазақ тілін толық түсініп қана қоймай, еркін сөйлегісі келетінін жеткізді. Оқырмандарынан қандай курсқа жазылуға болатынын сұрады.

«Мен тек түсініп қана қоймай, қазақтілді ортамен толыққанды қарым-қатынас жасағым келеді: базарда саудаласу, әзілге әзілмен жауап беру, жолда әңгіме қолдау… Оқырмандарымның арасында осы жолдан өткендер бар екеніне сенімдімін, жақсы мұғалім немесе курстар ұсынсаңыздар, қуанышты болар едім», – деді Ляйсира Марат.