Мектеп бітіру кешіне қаражат жинауға тыйым салынады: оқу министрлігі мәлімдеме жасады
Оқу министрілігі мектеп бітіру кешіне байланысты және кеш ұйымдастыруға тыйым салды.
Оқу-ағарту министрлігі мектеп бітіру кешінде ақша жинауға тыйым салды, деп хабарлайды KYN.KZ ақпарат агенттігі.
Сондай-ақ, бітіру кештерін білім беру ұйымдарынан тыс жерлерде ұйымдастыруға жол берілмейді.
"Аттестаттарды табыстау рәсімі тек білім беру ұйымдарының ғимараттарында ұйымдастырылады.
Білім алушылардан, олардың ата-аналарынан немесе заңды өкілдерінен қаражат және өзге де материалдық құндылықтарды жинауға қатаң тыйым салынады.
Белгіленген талаптарға сәйкес, бітіру кештерін білім беру ұйымдарынан тыс жерлерде ұйымдастыруға жол берілмейді", - делінген Оқу-ағарту министрлігінің мәлімдемесінде.
Жергілікті атқарушы органдарға қаржылық шығындарды талап етпейтін тәрбиелік және мәдени-ағартушылық іс-шараларды ұйымдастыру және түсіндіру жұмыстарын жүргізу тапсырылған.
Ал ішкі істер органдарына құқық бұзушылықтардың алдын алу, қоғамдық тәртіпті сақтау және білім алушылардың қауіпсіздігін қамтамасыз ету бойынша шаралар тапсырылған.