Биыл мектеп бітіруші түлектер үшін «Алтын белгі» төсбелгілерін дайындауға қанша қаржы жұмсалатыны белгілі болды, деп хабарлайды KYN.KZ ақпарат агенттігі.

PROTENGE телеграм-арнасының жазуынша, 8 мыңнан астам «Алтын белгі» төсбелгісін дайындауға 231,3 млн теңге жұмсалмақ. Тапсырысты Монета сарайы мамыр айының соңына дейін орындауы тиіс. Бір төсбелгінің құны – 27 695 теңге.

Айта кетсек, соңғы үш жылда «Алтын белгі» бағасы қымбаттаған. Мәселен, 2023 жылы оның бағасы 16 520 теңге болған.