Түркістан облысында жарысқа бара жатқан үш жас спортшы жол апатынан қайтыс болды
Оңтүстік Қазақстандағы Арыс-Шардара тас жолынде бірнеше күн бұрын жол апаты болды. Салдарынан үш мектеп оқушысы қаза тапты. Тағы екі адам жарақат алды, деп хабарлайды Otyrar.kz.
Басылымның мәліметінше, қайғылы оқиға 22 сәуірде болған. Түркістан облысындағы жолда Chevrolet Cobalt пен КамАЗ жүк көлігі соқтығысқан.
Апат салдарынан көліктегі үш жолаушы оқиға орнында қайтыс болған. Chevrolet Cobalt жүргізушісі мен тағы бір жолаушы жарақат алып, ауруханаға жеткізілді.
Алдын ала ақпарат бойынша, көлікте жаттықтырушы және Түркістанға жарысқа бара жатқан кәмелетке толмаған спортшылар болған.
Балаларды тасымалдау туралы уәкілетті органдар, оның ішінде полицияға хабарланбаған болып шықты.
Қазір КамАЗ жүргізушісі ұсталып, уақытша ұстау изоляторына қамалды.
Полиция оқиғаның барлық мән-жайын анықтап, тергеу жүргізуде.
Сонымен қатар балалардың өмірі мен денсаулығының қауіпсіздігін қамтамасыз ету бойынша міндеттерді тиісті түрде орындамау дерегі бойынша сотқа дейінгі тергеу басталды.
"Тергеу нәтижелері бойынша процессуалдық шешім қабылданады. Тергеу мүддесі үшін қосымша ақпарат жарияланбайды", - деді басылымға ПД.