Талғар қаласының жаңа әкімі сайланды
Қазақстан заңнамасына сәйкес өткен сайлау қорытындысы бойынша Талғар қаласының әкімі болып Әділхан Нұрхан сайланды, деп хабарлайды KYN.KZ тілшісі аудандық әкімдікке сілтеме жасап.
Әкімдік мәліметіне сүйенсек, Нұрхан Әділхан 1981 жылы 23 желтоқсанда Жамбыл облысы Тараз қаласында дүниеге келген. Білімі жоғары. М.Х. Дулати атындағы Тараз университетін "құқықтану", сондай-ақ "қаржы және экономика" мамандықтары бойынша тәмамдаған.
Әр жылдары Жамбыл облысы бойынша экономикалық және сыбайлас жемқорлыққа қарсы күрес органдарында, Талғар аудандық Әділет басқармасында, Алматы облысы Әділет департаментінде басшылық қызметтер атқарған. Сонымен қатар мемлекеттік және жеке секторда жауапты лауазымдарда еңбек еткен.