Нұрсұлтан Назарбаевқа ота жасалды
Нұрсұлтан Назарбаев ауруханаға түсті.
ҚР Тұңғыш Президенті Нұрсұлтан Назарбаевтың жүрегіне ота жасалған. Бұл туралы тұңғыш президенттің баспасөз хатшысы Айдос Үкібай мәлімдеді, деп хабарлайды KYN.KZ ақпарат агенттігі.
Еліміздің бас кардиохирургы Юрий Пьянның айтуынша, бұл жоспарлы түрдегі ота.
Өткен жылы жоспарланған, бірақ тұңғыш президенттің жұмыс кестесіне байланысты осы күн таңдалыпты.
Екі жарым сағатқа созылған ота сәтті өткен. Қазір Назарбаевтың жағдайы қалыпты. Егер өзін жақсы сезініп жатса, жақын арада ауруханадан шығарылады.