Жаңбырдың соңы қарға ұласады: алдағы үш күнге арналған ауа райы болжамы
Түнде Қазақстанның солтүстік-шығысында, шығысында және орталығында 1-3 градус үсік жүреді.
"Қазгидромет" синоптиктері 23, 24 және 25 мамырға арналған ауа райы болжамын ұсынды, деп хабарлайды KYN.KZ ақпарат агенттігі.
Қазақстанның солтүстігінде, оңтүстігінде және оңтүстік-батысында ауа райы құбылмалы болады. Жаңбыр жауып, күн күркірейді деп күтіледі, ал елдің шығысында түнде жауын-шашын (жаңбыр, қар) сақталады.
"23 мамырда Түркістан, Алматы және Жамбыл облыстарында нөсер жауып, бұршақ жаууы және екпінді жел соғуы мүмкін, 24-25 мамырда түнде оңтүстік-шығыстың таулы аймақтарында жаңбырдың арты қарға ұласуы ықтимал", - деп хабарлады метеорологтар.
Елдің қалған аумағында ауа райы негізінен жауын-шашынсыз болады. Республика бойынша жел күшейіп, оңтүстікте шаңды дауыл тұрады, түнде және таңертең тұман түседі деп болжанды.
Түнде Қазақстанның солтүстік-шығысында, шығысында және орталығында 1-3 градус үсік жүреді.
Ел бойынша ауа температурасының біртіндеп көтерілуі күтіледі:
- күндіз батыста 28-35 градусқа дейін жылиды,
- солтүстікте, орталықта 20-32 градусқа дейін жылиды,
- шығыста 17-25 градусқа дейін жылиды,
- оңтүстікте 22-35 градусқа дейін жылиды,
- оңтүстік-шығыста 20-28 градусқа дейін жылиды.