Грантқа құжат қабылдау мерзімі белгілі болды
2026–2027 оқу жылына 89 457 мемлекеттік грант бөлінді.
ылым және жоғары білім министрі Саясат Нұрбек грант конкурсына құжат қабылдау мерзімін атады, деп хабарлайды KYN.KZ тілшісі Sputnik Қазақстан сайтына сілтеме жасап.
Биыл 10 шілде күні ұлттық бірыңғай тестілеу аяқталады. Ал үш күннен кейін грант конкурсына құжат қабылданады.
"Мемлекеттік гранттар конкурсына қатысуға өтініштер қабылдау 13-20 шілде аралығында өтеді. Жоғары оқу орындарына қабылдау 25 тамызда аяқталады", - деді Нұрбек үкіметтің бүгінгі отырысында.
Министрдің айтуынша, 28 тамыз бен 10 қыркүйек аралығында жоғары оқу орындарында бірінші курс студенттеріне арналған бейімделу апталығы өтеді.
"Бұл студенттердің академиялық ортаға барынша қолайлы бейімделуіне және университет өміріне тиімді кірігуіне мүмкіндік береді", - деді Саясат Нұрбек.
2026–2027 оқу жылына 89 457 мемлекеттік грант бөлінді.
бакалавриат - 75 371 грант;
магистратура - 11 007 грант;
докторантура -3 079 грант.
Барлық грант 2030 жылға дейінгі кадрларға деген қажеттілік болжамына қарай үйлестіріледі.