Жоғары оқу орындарына құжат қабылдау мерзімі белгілі болды
Жоғары оқу орындарына құжат қабылдау 20 маусымда басталып, 25 тамызда аяқталады.
Ұлттық тестілеу орталығы жоғары оқу орындарына түсетін талапкерлерге арналған күнтізбені жариялады, деп хабарлайды
ҰБТ 10 мамырда басталып, 10 шілдеге дейін жалғасады. Ал жоғары оқу орындарына құжат қабылдау 20 маусымда басталып, 25 тамызда аяқталады.
“Педагогикалық ғылымдар” және “Денсаулық сақтау” бағыттары бойынша білім беру бағдарламаларына түсетін талапкерлер үшін арнайы емтихандар 20 маусым мен 20 тамыз аралығында өтеді. Грант конкурсына қатысу үшін бұл емтихандарды 20 шілдеге дейін тапсыру қажет.
Шығармашылық емтихандарға қатысуға өтініш қабылдау 20 маусымда басталып, 10 тамызда аяқталады. Ал грант конкурсына қатысатындар өтінішті 7 шілдеге дейін тапсыруы керек.